(1869) Carta 1
¡Quiai Mederu! ¿A que foste coll to Cirbianin antayeri pa Xixón que me diẍenon dibes á la Xusticia? ñon quixera que quiciaes hebia ente llos dos dangun' agarradiella, que muncho me camiento, porque Cirbianucu tien isi vezu dañible de tastear, cuomu illi diz, ña tabierna cuantes pucheres ì apurren fasta q'ataramîella, y dempos de bien fartucu espicotease colla xente, ¡que si malaman fora eña so casa, pudiera, si quier llevase!...
Ñon, ñon llo fará illi ansi, ñin terná isi consuelu lla mîo fía, pos por munchos conseyos que se ì dienon, enxamas se pudo fer manxar dilli. Y si ñon fora mas q'ataramiellas y espicotease, ¡que llo fixes col diañu!; pero xuega á lla moqueta, dase á lles muyeres, ñon trabaya una migayar, roña que rabia, solmena á lla muyer y llos fiínos, anda tudu s'guedeyau y ye menester trellu á recostines. Pero ñon falemos mas daquisti home y entamré diceì á que fûi a Xixon. Vieno per isti llugar ell utru dia un homicu bien portau, rexidor disti conceyu, pescudando llos gües, ñuvielles, oveyes y burres que ñilli habia, lla fisga que se coyía, ell pan que se mayaba, el llin que se pilaba, lles teles que se texín, llos ferreros, lles cordureres, xastres, goxeros y madreñeros que trabayaben, llos homes y muyeres y fios que tenin, si dangunos yeren fies, si yeren ñeños ó ñeñes, mocicos ó mociques, vieyos ó vieyes. Llos vecinos entós camentanonse que tanto entrugar ñon yera pa cosa bona, y xuntos ña carbayera dell so Minguin fixénonme home bonu pa que fos á Xixon á falar collos conceyiles y diceyos que ponxesen tiento ño que diben fer, pos que lles burres munches quedaben escoses, lles oveyes que morrín que lles teles finse del llin coyío de cas, que llos madreñeros trabayaben per Xineru, llos ferreros en tiempu dell sallu, lles cordureres y xastres dexemes en cuando, que lles ñeñes facinse mociques y lles mociques vieyes. Que bien sabin qu'habia abondes pagues, abondos acarretos y abondes sestaferies, q'acababen conun, y que conisti llevante de mozos q'agora vieno, lla xente andaba peralloriaa. Quedá con Dios, Mederu, vo satisfechu fasta ell Xueves en Uvieu.